Aytish joizki, atrof-muhit muhofazasi davlat, jamiyat va har bir fuqaroning vazifasiga aylanishiga erishish O'zbekiston ekologik harakatining doimiy diqqat-markazida. Xususan, jamiyatning barcha bo'g'ini bilan doimiy aloqada bo'lish uchun Ekoharakat qoshida «Ishonch telefoni» tashkil etilgani ana shu ezgu maqsadga erishishda juda qo'l kelmoqda. Ta`kidlash o'rinliki, 2009 yilning iyun oyida tashkil etilgan mazkur tarmoqqa shu kungacha 700 dan ortiq murojaat kelib tushgan. Shulardan 300 dan ortig'i 2011 yil hissasiga to'g'ri keladi. Ekologik nazorat borasida ayniqsa, Toshkent shahri va Toshkent viloyati aholisi faol ishtirok etmoqda.

Joriy yilning 2 fevrali Ramsar konvensiyasi uchun muhim sana: ayni shu kuni dunyo «Asosan suvda yashovchi qushlar uchun qo'nim hisoblangan xalqaro ahamiyatga ega suv-botqoq hududlar to'g'risida»gi konvensiyaning 41 yilligini nishonladi.

Bag'rikenglik ko'p millatli O'zbekiston xalqi uchun muqaddas tushuncha. U asrlar davomida shakllanib, sayqallanib, ayni paytda takomillashib kelmoqda.

Mustaqil taraqqiyot yo'limizning yigirma yillik davri mobaynida jamiyat hayotining barcha jabhasida bir qator yutuq va muvaffaqiyatlarni qo'lga kiritib, jahon hamjamiyatida  tobora mustahkamlanib borayotgan o'z o'rnimizga ega bo'ldik. Bugun mamlakatimizda qaror topgan barqaror tinchlik-osoyishtalik, xalqimiz turmush farovonligi, ijtimoiy-iqtisodiy, siyosiy, ma`naviy sohalardagi yuksalish zamirida amaldagi  milliy qonunchilik tizimi, xususan, Konstitutsiyamiz muhim omillardan biri sanaladi.

Har sohada taraqqiyotga erishishda tegishli faoliyatni chuqur tahlil qilish, ertangi ishlarni oldindan pishiq-puxta qilib rejalashtirish eng muhim omillardan biri sanaladi. Bunday holatni mamlakatimizda amalga oshirilayotgan islohotlarda, puxta o'ylab olib borilayotgan siyosat mazmun-mohiyatida, uzoqni ko'zlab ishlab chiqiladigan dasturlarda yaqqol ko'rishimiz mumkin. Prezidentimiz Islom Karimovning joriy yilning 19 yanvarida O'zbekiston Respublikasi Vazirlar Mahkamasining 2011 yilda respublikani ijtimoiy-iqtisodiy rivojlantirish yakunlariga va 2012 yilda iqtisodiyotni barqaror rivojlantirishning eng muhim ustuvor vazifalariga bag'ishlangan majlisidagi «2012 yil Vatanimiz taraqqiyotini yangi bosqichga ko'taradigan yil bo'ladi» mavzuidagi ma`ruzasi ana shunday mushohadaga chorladi.  

Bola ulg'aya borgani sari Vatan tushunchasini yanada kengroq anglay boshlaydi. Oila, o'zi voyaga yetayotgan xonadon uning uchun eng qadrdon go'sha. U ana shu muqaddas dargohda mehrni taniydi, oqibatni, diyonatni anglaydi. Uning qalbida elu yurtga muhabbat tuyg'usi jo'sh uradi.

Ma`lumki, oilada mustahkam qaror topgan o'zaro mehr-oqibat, hurmat-e`tibor, bahamjihatlik va farovonlik kabi  azaliy qadriyatlar jamiyat hayotining osoyishtaligi va rivojini ta`minlashda muhim ahamiyat kasb etadi. 

Ma`lumki, bugungi kunda mamlakatimizda ommaviy axborot vositalarini qo'llab-quvvatlash borasida samarali ishlar amalga oshirilmoqda. Jumladan, davlatimiz rahbarining 2011 yil 30 dekabrda imzolagan «Ommaviy axborot vositalarini yanada rivojlantirish uchun qo'shimcha soliq imtiyozlari va afzalliklar berish to'g'risida»gi Qarori milliy matbuotimiz rivojiga bo'lgan ulkan e`tibor va g'amxo'rlikning amaldagi yana bir ifodasi bo'ldi.

Davlatimiz rahbari «Yuksak ma`naviyat - yengilmas kuch» asarida g'azal mulkining sultoni Alisher Navoiy siymosi xususida to'xtalib, «Agar bu ulug' zotni avliyo desak, u avliyolarning avliyosi, mutafakkir desak, mutafakkirlarning mutafakkiri, shoir desak, shoirlarning sultonidir» deya ta`kidlaydi. Bu bejiz emas, albatta. Zotan, hazrat Navoiyning bebaho va betakror merosi milliy va umuminsoniy mezonlar silsilasida hech mubolag'asiz noyob hodisadir.

Yana bir necha kundan so'ng buyuk mutafakkir, g'azal mulkining sultoni Alisher Navoiy tavallud kunini keng nishonlaymiz. Aytish joizki, o'lmas asarlari orqali insonga, hayotga cheksiz muhabbat bilan to'lib-toshgan falsafiy o'gitlarini meros qoldirgan bu ulug' zot ijodi haqida juda ko'p so'z yuritilgan bo'lsa-da, unga nisbatan qiziqish aslo so'ngani yo'q. Zotan, ulug' bobomizning ijodi ummon qadar bepoyon bo'lib, har bayti hikmatli bir kitob.

«Jamiyat» ijtimoiy-siyosiy gazetasining 2011 yil 2 dekabr sonida «Dildagi dardlar» sarlavhasi bilan e`lon qilingan maqola bizda katta taassurot qoldirdi. Qo'shiqchilik, xususan, milliy estradamizning yutuq-kamchiliklari haqida atroflicha so'z yuritilgan ushbu maqolada muallif to'g'ri ta`kidlaganidek, bugungi kunda jamiyat va munosabatlar ichra yashayotgan barchamiz, istaymizmi yo'qmi, «qo'shiq» mikroolamining fuqarolarimiz.

Bu fikrlarda jon bor, albatta. Zero, texnologiyalar tobora taraqqiy etayotgan hozirgi zamonda har bir joyda va vaqtda qo'shiq tinglash imkoniyati tobora oshib bormoqda.

So'zdirki nishon berur o'lukka jondin,

So'zdirki berur jong'a xabar jonondin.

Insonni so'z ayladi judo hayvondin,

Bilkim, guhari sharifroq yo'q ondin.

Hazrat  Alisher Navoiyning «Nazm-ul javohir» («Nazm javohirlari») asaridan olingan bu to'rtlik - ruboiy so'zning  qadri  haqida, o'rni va ahamiyati xususida mukammal tushuncha beradi. Ha, so'z  o'likka jon, jonga esa jonondan nishon-belgi, xabar berib, insonning tirikligini ayon etadi. So'z insonni maxluqot dunyosidan ayirib, eng ulug' ne`mat - ongga, tafakkurga, mushohadaga qodir etuvchi, sezgi-instinktlar emas, balki his-tuyg'u, ehtiroslar bag'ishlovchi ne`mati, dunyodagi barcha sharif-e`zozli, mo'`tabar hodisalardan  sharifroq asl gavhar  deydi so'z mulkining sultoni ulug' bobomiz. Bu ta`rifdan o'tkazib, hech bir boshqa ijodkor balandroq sifatlar berolmagan bo'lsa-da, biroq so'z san`ati paydo bo'lgan zamonlardan beri barcha ulug' mutafakkirlar so'z haqida noyob fikrlar qoldirganlar.

Ma`lumki, bugungi kunda demokratik huquqiy davlat va kuchli fuqarolik jamiyatini barpo etishda fuqarolik jamiyatining muhim bo'g'inlaridan hisoblangan nodavlat notijorat tashkilotlarning o'rni beqiyos bo'lib, ular hozirda ijtimoiy hayotning qariyb barcha sohalarida samarali faoliyat ko'rsatmoqda. Shu bois ko'plab mamlakatlarda «uchinchi sektor» vakillariga davlat tomonidan moddiy-moliyaviy ko'mak berish masalalariga alohida e`tibor berilmoqda.

Hozirgi kunda dunyoning bir qator mamlakatlarida axborot-kommunikatsiya texnologiyalarini (AKT) rivojlantirishga ijtimoiy-iqtisodiy taraqqiyotning strategik yo'nalishlaridan biri sifatida qaralmoqda. Bu borada, ayniqsa, ijtimoiy hayotning barcha sohasiga yangi innovatsion loyihalarni joriy etish muhim ahamiyat kasb etadi.