Aytish joizki, Samar­qand shahrining Amir Temur ko'chasida faoliyat ko'rsatib kelgan oldingi avtomobil ehtiyot qismlar bozori joylashuviga ko'ra shahar me`morchiligiga ham mos kelmas, ayni paytda ko'chaning ushbu qismida transport qatnovida ham noqulaylik paydo bo'lgan edi.

— Salkam 6 gektar maydonda joylashgan mazkur savdo markazi «Toshboshplan LITI» loyihalashtirish instituti xodimlari tomonidan ishlab chiqilib, tasdiqlangan loyiha asosida bunyod etildi, — deydi  savdo markazi rahbari Ma`ruf Yusupov. — Qurilish jarayonida mavjud 43 ta binoda joylashgan do'konlar atrofida katta hajmdagi obodonlashtirish ishlari olib borildi. Markazda savdo do'konlarining keng va yorug'ligi, zamon talablari darajasidagi shart-sharoitlar, do'konlar oralig'idagi yo'laklarning kengligi, har bir savdo shoxobchalarida savdo terminallarining o'rnatilganligi barchaga manzur bo'lmoqda. Savdo markazi shahar chetida joylashganligi inobatga olinib viloyat hokimligi tomonidan turli yo'nalishlar bo'yicha avtobuslar qatnovi yo'lga qo'yildi.

Shuhrat QARShIYEV,

«Jamiyat» muxbiri