O’tgan hafta mazkur mamlakatning Mataba shahrida BMT Jahon oziq-ov­qat dasturi doirasida faoliyat yuritayotgan ikki nafar xodimi o'ldirilganligi haqida BMT rasmiy sayti xabar tarqatdi.

Mazkur holat yuzasidan BMT Bosh kotibi Pan Gi Mun Somali hukumatiga rasmiy murojaat yo'llagan. Unda hukumat mamlakatda faoliyat olib borayotgan nodavlat notijorat tashkilotlar vakillari uchun yetarlicha shart-sharoit yaratmagani uchun mamlakat rahbariyatini tanqid qilgan. Shuningdek, Bosh kotib o'zining insoniylik burchini bajarish chog'ida halok bo'lgan nufuzli tashkilot xodimlari oilalariga hamdardlik bildirgan.