O'shanda terma jamoamiz futbolchilarining maydon bo'ylab davlatimiz bayrog'ini hilpiratib yugurganlari ko'nglimda o'zgacha faxr tuyg'usini uyg'otgandi. Mag'rur hilpirayotgan bayrog'imizning o'sha lahzalardagi surati hali ham ko'z o'ngimdan ketmaydi.

Mustaqillik yillarida davlatimiz bayrog'i jahonning ko'plab arenalarida baland ko'tarildi. Bunday payt­larda yuragim hapriqib, ko'nglimda shunday yurtning farzandi ekanimdan shukronalik uyg'onadi.

Ayni payt­da bayroq nafaqat davlat ramzi , balki yurt sha`ni, millat g'ururi, or-nomusi hamdir. Shuning uchun ham Vataniga sodiq bo'lishga, o'z xalqiga sadoqat bilan xizmat qilishga bel bog'lagan yurt himoyachilari - askarlarimiz ona yurt bayrog'ini o'pib qasamyod qilishlarida alohida ma`no va mazmun yashirin.

Vatanimiz bayrog'i hamisha yuksaklarda mag'rur hilpirab tursin deb niyat qilaman.

Adham ARSLONOV,

O'zMU talabasi