Bu yilgi musobaqalar O'zbekiston dzyudo federatsiyasi, O'zbekiston Madaniyat va sport ishlari vazirligi, Milliy Olimpiya qo'mitasi, Sharq yakkakurashlari va jang san`atlarini rivojlantirish markazi kabi tashkilotlar hamkorligida tashkil etilmoqda.

 Ushbu nufuzli musobaqada munosib ishtirok etish maqsadida mamlakatimiz dzyudo bo'yicha terma jamoasi a`zolari Chirchiq shahrida joylashgan sport bazada o'quv-mashg'ulot yig'inlarida tajriba va mahoratini oshirdi.

O'zbekiston dzyudo federatsiyasi raisi Armen Bagdasarovning ta`kidlashicha, jahon kubogi Xalqaro dzyudo federatsiyasi (IJF) musobaqalar taqvimidan joy olgan nufuzli turnir bo'lib, unda sportchilar sov­rinli o'rinlar va 2012 yili Londonda bo'ladigan XXX yozgi Olimpiyada o'yinlarida qatnashish huquqini beradigan reyting ochkolari uchun kurashadi. Musobaqa erkaklar va xotin-qizlar o'rtasida yetti vazn toifasida bo'lib o'tadi.

Ta`kidlash joizki, Parij shahrida o'tkazilgan jahon chempionatidan so'ng Xalqaro dzyudo federatsiyasi (IJF) Kongressida Pekin Olimpiadasi sov­rindori Rishod Sobirov jahonning bugungi kundagi eng kuchli dzyudochisi, O'zbekiston terma jamoasi ustozi Andrey Shturbabin esa eng  mohir murabbiy, deb e`tirof etilgan.

Ulug'bek MIRZAAHMEDOV

tayyorladi.